Cerkak Bahasa Jawa

Nandur Wit Pelem

Dina iki yaiku dina Minggu. Aku kangsenan karo mbakyuku sing jenenge Rina arep tuku wit pelem ing pasty, amarga pekarangan omahku iseh ana lahan sing selo. Sakwise kerungu adzan subuh, aku banjur wudhu lan siap-siap sholat ana ing masjid, amarga masjid e ora adoh saka omahku. Sakwise siap aku banjur pamitan karo mbakyuku.

"Mbak aku tak sholat ning masjid dhisik yo." jareku.

"Tunggoni dek, aku tak wudhu dhilit. Soale aku uga arep sholat ing masjid. " jawabane mbakyuku.

Aku banjur lungguh ing kursi teras ngarep omah sinambi nunggu mbakyuku sing lagi wudhu. Aku wis nunggu kira-kira lima menit, nanging mbakyuku urung metu saka omah.

"Ayo mbak, gek cepet. Ndak mengko awakdewe keri le sholat." jareku sinambi mlebu omah, nileki mbakyuku sing ora metu-metu.

"Yo, aku wis siap." jawabane mbakyuku kesusu.

Sakwise siap, aku lan mbakyuku banjur mangkat ing masjid. Tekan ing masjid aku lan mbakyuku banjur mlebu, amarga sholat e wis dilekasi.

Sakwise sholat, aku lan mbakyuku banjur bali ing ngomah. Tekan ngomah aku banjur nyapu latar, amarga wis rong dino latar e ora disaponi. Latar sek maune reget saiki dadi resik. Sakwise nyapu aku banjur lungguh ono ing teras. Mbakyuku banjur metu saka omah sinambi nggawa rong gelas teh lan roti.

"Iki dek wedange gek diombe, mumpung iseh anget." mbakyuku banjur nyekehake wedang lan roti ing dhuwur meja.

"Nuwun nggih, mbak." jawabanku. Aku banjur ngombe teh sing digawe mbakyuku.

"Mbak mengko le arep tuku wit pelem jam piro?" pitakonku.

"Mengko jam sepuluh wae, dek." jawabane mbakyuku.

"Nggih mbak. Berarti awakdewe saiki nyiapake pupuk e sikek wae."

"Hooh, dek. Aku saiki tak nyiapake peralatane sikek." jawabane mbakyuku sinambi mlebu omah.

Sakwise peralatane wis siap, aku lan mbakyuku banjur menyang pekarangan mburi omah nyiapake pupuk ono ing cerak kandang sapi.

"Pupuke semene kurang apa ora mbak?" pitakonku.

"Rodho ditambahi meneh wae dek mengko ndak kurang." jawabane mbakyuku.

Pupuk kandange wis siap. Aku lan mbakyuku banjur wisuh lan siap-siap tuku tanaman ing pasty. Sakwise siap, aku lan mbakyuku mangkat menyang pasty. Tekan pasty aku lan mbakyuku milih  wit pelem sing arep dituku.

"Awakdewe arep tuku wit pelem sing opo mbak?" pitakonku.

"Nek sing manalagi wae piye, dek?" jawabane mbakyuku.

"Nggih mbak." jawabanku sinambi ndelok-ndelok wit pelem sing ana ing pasty.

Sakwise tuku wit pelem aku lan mbakyuku banjur bali ing ngomah. Tekan ngomah, aku lan mbakyuku banjur nyiapake peralatan nganggo nandhur wit pelem. Sakwise kabeh peralatan wis siap, aku lan mbakyuku banjur menyang pekarangan omah. Aku lan mbakyuku nandur lima wit pelem manalagi. Sakwise rampung nandur, aku lan mbakyuku banjur menehi pupuk lan nyirami wit pelem sing wis ditandur.

Esuke aku mangkat sekolah. Amarga dina iki dina senin, dadi aku mangkat sekolah luwih esuk. Minggu iki aku luwih okeh ngentekke waktuku ing sekolah amarga ing sekolah lagi okeh kegiatan. Dadi aku ora ana wektu nggo nyiram lan ngrawat wit pelem sing tak tandur.

Sakwise kegiatan ing sekolahan wis rampung. Aku banjur bisa ngurusi wit pelem sing wis tak tandur. Ananging nalika aku nileki wit pelem sek wis tak tandur, aku kaget. Amarga wit peleme uwis mati. Aku sedih lan nyesel, seminggu iki ora iso ngurusi wit pelem sing wis tak tandur. Aku banjur mlebu omah lan nemoni mbakyuku.

"Mbak wit pelem sing ing pekarangan mati."

"Iyo po dek?lha kok iso mati?" jawabane mbakyuku.

"Aku yo ora ngerti mbak, soale aku mau ndelok ing pekarangan wite wis mati. Paling amarga awakdewe ora tau nyirami, mbak." jawabanku sedih.

"Yo wis, mengko wit pelem sek wis mati diganti wae. Mengko tak tukokake wit e ing pasty maneh."

"Nggih mbak." jawabanku lirih.

Aku banjur menyang pekarangan lan ngresiki wit pelem sing wis mati. Sorene mbakyuku bali saka pasty karo nggawa wit pelem cacahe loro.

"Iki dek wit peleme wis tak tukokke. Sesuk maneh aja nganti lali disirami lan diwenehi pupuk, ben wit peleme ora mati maneh"

"Nggih mbak." jawabanku sambi njupuk wit pelem sing cacahe loro.

Aku banjur menyang pekarangan lan nandur wit pelem. Sakwise wit pelem wis tak tandur, banjur tak wenehi pupuk lan tak sirami. Aku janji karo awakku dewe yen aku bakal ngrawat wit pelem iki nganti gedhe.